წესები და პირობები

1.    ჩვენს შესახებ
1.1.    შ.პ.ს. ჯობსაით (ს/კ .... ) - (შემდგომში - ჯობსაით) ოპერირებას უწევს www.Jobsight.ge ვებ-გვერდს (შემდგომში - ვებ-გვერდი). 
1.2.    წინამდებარე დოკუმენტი არეგულირებს შ.პ.ს. ჯობსაითის ვებ- გვერდით სარგებლობის წესებსა და პირობებს.
1.3.    ჯობსაითის საკონტაქტო ინფორმაცია:
1.    ტელეფონი: +995 555 21 29 43
2.    ელექტრონული ფოსტა: info@jobsight.ge
3.    მისამართი: 
4.    ანგარიშის ნომერი:

ნებისმიერი საეჭვო გარემოების არსებობის შემთხვევაში, მათ შორის ჯობსაითის სახელით თქვენი პირადი მონაცემების მოთხოვნის, ყალბი ვებ-გვერდის აღმოჩენის ან/და წინამდებარე დოკუმენტთან დაკავშირებით ნებისმიერი შეკითხვის, ვებ-გვერდით სარგებლობისას ნებისმიერი შეფერხების შემთხვევაში, გთხოვთ დაგვიკავშირდეთ საკონტაქტო ინფორმაციის შესაბამისად.

2.    შეთანხმების ძირითადი პირობები
2.1.    წინამდებარე დოკუმენტის მიზნებისთვის, მომხმარებელი არის ფიზიკური ან იურიდიული პირი (დასაქმების მაძიებელი, დამსაქმებელი და არამხოლოდ), რომელიც სარგებლობს ჯობსაითის ვებ-გვერდით მისთვის სასურველი ინფორმაციის მოსაძიებლად.
2.2.    წინამდებარე დოკუმენტის მიზნებისთვის, დასაქმების მაძიებელი არის ფიზიკური პირი რომელიც სარგებლობს ჯობსაითის ვებ-გვერდითა და მისი მომსახურებით,  www.Jobsight.ge -ზე განთავსებული აქვს რეზიუმე ან/და სარგებლობის ამ გვერდით მისთვის სასურველი ინფორმაციის მოსაძიებლად.
2.3.    წინამდებარე დოკუმენტის მიზნებისთვის, დამსაქმებელი არის ფიზიკური ან იურიდიული პირი, რომელიც სარგებლობს ჯობსაითის ვებ-გვერდითა და მისი მომსახურებით,  www.Jobsight.ge -ზე განთავსებული აქვს ვაკანსია ან/და სარგებლობის ამ გვერდით მისთვის სასურველი ინფორმაციის მოსაძიებლად.
2.4.    წინამდებარე დოკუმენტზე თანხმობის განცხადებასა და მასზე ელექტრონულად გამოხატულ თანხმობას (გრაფის მონიშვნას) აქვს ელექტრონულ ხელმოწერის ძალა.
2.5.    აღნიშნული პირობა არ გამორიცხავს ხელშეკრულების ხელმოწერილი ეგზემპლარ(ებ)ის არსებობას.  
2.6.    ჯობსაითი არის შუამავალი კომპანია, რომელიც ასრულებს მაკავშირებლის როლს დასაქმების მაძიებელსა და დამსაქმებელს შორის. 
2.7.    ჯობსაითის ვებ-გვერდზე რეგისტრაციითა და წინამდებარე დოკუმენტზე თანხმობის გაცხადებით - შესაბამისი ღილაკის მონიშვნით/დადასტურებით დასაქმების მაძიებელი ეთანხმება, რომ არის ქმედუნარიანი ფიზიკური პირი, წარმოადგენს 18 წელს მიღწეულ ქმედუნარიან ფიზიკურ პირს ან გააჩნია საქართველოს კანონმდებლობით დადგენილი კანონიერი წარმომადგენლის თანხმობა.
2.8.    ჯობსაითის ვებ-გვერდზე რეგისტრაციითა და წინამდებარე დოკუმენტზე თანხმობის გაცხადებით - შესაბამისი ღილაკის მონიშვნით/დადასტურებით დამსაქმებელი ეთანხმება, რომ ის არის საქართველოს კანონმდებლობის შესაბამისად მოქმედი იურიდიული პირი.
2.9.    ნებისმიერი ფიზიკური ან/და იურიდიული პირი ვებ-გვერდზე პირად ინფორმაციას ანთავსებს საკუთარი სურვილით, მისი ინტერესების შესაბამისად.
2.10.    შ.პ.ს. ჯობსაითი არ ფლობს www.Jobsight.ge -ზე განთავსებულ ვაკანსიებს. ვებ-გვერდზე განთავსებული ვაკანსიები ეკუთვნით, იმ პირებს, რომლებიც სარგებლობენ ჯობსაითის სერვისით და მითითებულნი არიან კონკრეტული ვაკანსიის აღწერაში. განსხვავებულ შემთხვევაში დეტალური ინფორმაცია მითითებული იქნება უშუალოდ ვაკანსიის აღწერაში. 
2.11.    სამართლებრივი ურთიერთობები დასაქმების მაძიებელსა და დამსაქმებელს შორის რეგულირდება უშუალოდ მათ შორის და აღნიშნულზე პასუხისმგებლობა არ ეკისრება ჯობსაითს.
2.12.    დასაქმების მაძიებლის მიერ რეზიუმეებში მითითებული ინფორმაცია, განათლება, სამუშაო გამოცდილება, საკონტაქტო ინფორმაცია და სხვა მონაცემები არ კონტროლდება ჯობსაითის მიერ.
2.13.    დამსაქმებლის მიერ გამოქვეყნებულ ვაკანსიაში მითითებული ინფორმაცია, სამუშაო ადგილი, ანაზღაურება, სამუშაოს აღწერა და სხვა მონაცემები არ კონტროლდება ჯობსაითის მიერ.
2.14.    დასაქმების მაძიებელს აქვს უფლება ვებ-გვერდზე შექმნას მისი პირადი პროფილი, შეავსოს მის შესახებ არსებული პროფესიული ინფორმაცია და ატვირთოს მისი რეზიუმე. 
2.15.    დამსაქმებელს აქვს უფლება ვებ-გვერდზე შექმნას მისი პირადი პროფილი, შეავსოს მის შესახებ არსებული ინფორმაცია და ატვირთოს ვაკანსია. 
2.16.    დამსაქმებელი და დასაქმების მაძიებელი თავად არიან პასუხისმგებელნი მათ მიერ ვებ-გვერდზე განთავსებულ ინფორმაციაზე.
2.17.    დამსაქმებელი და დასაქმების მაძიებელი ვალდებულია:
1.    მის მიერ მითითებული ინფორმაცია იყოს ზუსტი და უტყუარი;
2.    არ გამოიყენოს სხვა პირის მაიდენტიფიცირებელი ინფორმაცია;
3.    მის მიერ მითითებული ინფორმაცია არ ემსახურებოდეს დამსაქმებლის ან/და დასაქმებლის მაძიებლის შეცდომაში შეყვანას, თაღლითობას, ან სხვა დანაშაულებრივ ქმედებას.
4.    მის მიერ მითითებული ინფორმაცია არ არღვევდეს მესამე პირების პერსონალურ ინფორაციასა და სხვა საქართველოს კანონმდებლობით გათვლისწინებულ უფლებებს. 
5.    მის მიერ მითითებული ინფორმაცია არ შეიცავდეს მესამე პირის ღირსების შემლახავი ან/და რეპუტაციული ზიანის მიმყენებელ ინფორმაციას. 
6.    მის მიერ მითითებული ინფორმაცია არ შეიცავდეს რელიგიური, ეთნიკური, თუ სხვა სახის დისკრიმინაციულ ნიშნებს. 
7.    მის მიერ მითითებული ინფორმაცია არ შეიცავდეს მუქარას ან რაიმე სახის  დანაშაულებრივი ქმედების ნიშნებს. 
8.    მის მიერ მითითებული ინფორმაცია არ შეიცავდეს პორნოგრაფიულ შინაარსს.
9.    ჯობსაითთან შეთანხმების გარეშე არ განათავსოს სარეკლამო ინფორმაციას.
10.     მათ მიერ გამოქვეყნებულ ინფორმაციაში დაცული უნდა იყოს ეთიკის ნორმები;
11.     მათ მიერ გამოქვეყნებული ინფორმაცია არ დაარღვევს მესამე პირის ინტელექტუალურ საკუთრებას;
12.     მის მიერ განთავსებული ინფორმაცია არ არღვევდეს რაიმე ფორმით საქართველოს მოქმედ კანონმდებლობას.
2.18.    ჯობსაითი უფლებამოსილია, წინამდებარე დოკუმენტით გათვალისწინებული ვალდებულებების დარღვევის შემთხვევაში წაშალოს მომხმარებლის პროფილი, მის მიერ გამოქვეყნებული ინფორმაცია, დაბლოკოს ან/და დროებით წვდომა შეუზღუდოს ვებ-გვერდის სერვისებზე. ასევე, უარი უთხრას ვებ-გვერდით სარგებლობაზე თუ აღნიშნული ზიანის მომტანი იქნები ჯობსაითისათვის. 
2.19.    დამსაქმებლის ან/და დასაქმების მაძიებლის მხრიდან მხრიდან რაიმე სახის არაეთიკური ქმედება, მათ შორის და არა მხდოლოდ, უცენზურო, შეურაცხმყოფელი ან მუქარის შემცველი მიმართვა ან სხვა სახის არაკორექტული ქმედების შემთხვევაში მომხმარებელი უფლებამოსილია აცნობოს ჯობსაითს ელექტრონული ფოსტის საშუალებით. აღნიშნული ქმედება გამოიწვევს მომხმარებლის  ვებ-გვერდით სარგებლობის შეზღუდვას დროებით ან სამუდამოდ. ამ პუნქტით გათვალისწინებული (არა მხოლოდ) დამსაქმებლის ან/და დასაქმების მაძიებლის ქმედება არ შეიძლება გახდეს ჯობსაითისთვის რაიმე სახის პასუხისმგებლობის დაკისრების საფუძველი.
2.20.    ვებ-გვერდის სერვისებზე წვდომის შეზღუდვის  შესახებ ჯობსაითი ვებ-გვერდის მეშვეობით აცნობებს მომხმარებელს და განუმარტავს გადაწყვეტილების მიღების მიზეზებს. 
2.21.    მომხმარებელი უფლებამოსილია ჯობსაითის გადაწყვეტილების გასასაჩივრებლად, დამატებითი განმარტებისათვის ან/და მისი პროფილის დასაბრუნებლად მიმართოს ჯობსაითს წინამდებარე დოკუმენტით განსაზღვრულ ელექტრონულ მისამართზე. 

3.    ხელშეკრულების საგანი დასაქმების მაძიებლისთვის
3.1.    დასაქმების მაძიებლისთვის ხელშეკრულების საგანს წარმოადგენს ვებ-გვერდის გამოყენებით შემდეგი სერვისებით სარგებლობა:
1.    ვებ-გვერდზე რეზიუმეს განთავსება;
2.    ვაკანსიების აღმოჩენა;
3.    ვებ-გვერდზე განთავსებულ სასურველ ვაკანსიაზე რეზიუმეს გაგზავნა;
4.    გაგზავნილ რეზიუმეზე უკუკავშირის მიღება და მართვა;

4.    ხელშეკრულების საგანი დამსაქმებლისთვის
4.1.    დამსაქმებლისთვის ხელშეკრულების საგანს წარმოადგენს ვებ-გვერდის გამოყენებით შემდეგი სერვისებით სარგებლობა:
1.    ვებ-გვერდზე ვაკანსიის განთავსება;
2.    დასაქმების მაძიებლების აღმოჩენა;
3.    რეზიუმეების ერთ სივრცეში მიღება და მართვა
4.    კანდიდატებისთვის უკუკავშირის დაბრუნება საიტიდან გაუსვლელად

5.    რეგისტრაცია და ვებ-გვერდით სარგებლობა დასაქმების მაძიებლებისთვის
5.1.    ვებ-გვერდზე რეგისტრაცია არის უფასო. 
5.2.    ვებ-გვერდზე რეგისტრაცია შესაძლებელია შემდეგგვარად:
1.    ვებგვერდის სარეგისტრაციო ფორმაში შესაბამისი ინფორმაციის შეყვანით
2.    შესაძლებელია ავტორიზაცია გუგლით
5.3.    დასაქმების მაძიებელი ვალდებულია გაუფრთხილდეს და არ გადასცეს მესამე პირებს მისი პროფილის ინფორმაცია და პაროლი, ასევე ვალდებულია არ გაავრცელოს ვებ-გვერდის ფასიანი სერვისით სარგებლობის საფუძველზე მოპოვებული ინფორმაცია.
5.4.    დასაქმების მაძიებელი პასუხისმგებელია  ვებ-გვერდზე მის მიერ განხორციელებულ ნებისმიერ ქმედებაზე.
5.5.    დასაქმების მაძიებლის პროფილის სხვა პირების მიერ გამოყენების შემთხვევაში პასუხისმგებლობა ეკისრება დასაქმების მაძიებელს. 
5.6.    დასაქმების მაძიებელი ვალდებულია დაუყოვნებლივ დაუკავშირდეს ჯობსაითს უსაფრთხოების ნორმების დარღვევის შემთხვევაში.
5.7.    დასაქმების მაძიებელს შეუძლია ნებისმიერ დროს შეცვალოს, წაშალოს და დაარედაქტიროს მის მიერ ჯობსაითის ვებ-გვერდზე განთავსებული ინფორმაცია. 
5.8.    ჯობსაითი არ ფლობს ინფორმაციას მომხმარებლის მიერ ვებ-გვერდზე დამატებითი სერვისების შეძენისას გამოყენებული საბანკო ბარათის მონაცემებთან. - ეს ჩანაწერი დატოვეთ ფასიანი სერვისების შემთხვევაში
5.9.    დასაქმების მაძიებლის მიერ ვებ-გვერდზე შემდგომი გადახდებისთვის დამახსოვრებული ბარათი ინახება ბანკის დაცულ სერვერზე.
5.10.    რეგისტრაციის შემდგომ დასაქმების მაძიებელს აქვს შესაძლებლობა ნებისმიერ დროს განაახლოს ან/და დაარედაქტიროს რეზიუმე.
5.11.    რეგისტრაციის შემდგომ დასაქმების მაძიებელს აქვს შესაძლებლობა გააგზავნოს რეზიუმე მისთვის სასურველ ვაკანსიაზე, დამსაქმებლისგან მიიღოს შესაბამისი უკუკავშირი და აქ შეგიძლიათ ჩამოთვალოთ ყველა ის ქმედება რომელიც რეზიუმის მართვის ირგვლივ შეეძლება მომხმარებელს

6.    რეგისტრაცია და ვებ-გვერდით სარგებლობა დამსაქმებლისთვის
6.1.    დამსაქმებლისთვის ვებ-გვერდზე რეგისტრაცია არის უფასო
6.2.    დამაქმებლისთვის ვებ-გვერდზე ვაკანსიის განთავსება არის ფასიანი
6.3.    დამსაქმებელი ვალდებულია ვებ-გვერდზე რეგისტრაციისას შეავსოს მისი ორგანიზაციის შესახებ მოთხოვნილი ინფორმაცია შესაბამის გრაფებში. 
6.4.    დამსაქმებლის შესახებ მითითებული ინფორმაციისა და მონაცემების სისწორესა და ნამდვილობაზე პასუხისმგებლობა ეკისრება თავად დამსაქმებელს.
6.5.    დამსაქმებელს უფლება აქვს გამოიყენოს შემდეგი სერვისები: ვაკანსიის განთავსება სტანდარტული, პრემიუმ ან პრემიუმ+ პაკეტებით. თითოეული პაკეტის შესახებ ინფორმაცია(მათ შორის პაკეტის ფასის შესახებ) განთავსებულია ვებგვერდზე. დამსაქმებელს ასევე შეუძლია მიიღოს და მართოს სივები ერთ სივრცეში, საიტიდან გაუსვლელად და დაუბრუნოს უკუკავშირი სამსახურის მაძიებელს ჩვენი სისტემის დახმარებით. დამსაქმებელს შეუძლია სამსახურის მაძიებლების მოძიება ვებგვერდის ბაზიდან თუ იგი შეიძენს შესაბამის სერვისს. 
6.6.    დამსაქმებელის პროფილით განხორციელებულ ნებისმიერ ქმედებაზე პასუხისმგებლობა ეკისრება თავად დამსაქმებელს. ასევე ვალდებულია არ გაავრცელოს ვებ-გვერდის ფასიანი სერვისით სარგებლობის საფუძველზე მოპოვებული ინფორმაცია.
6.7.    ვებ-გვერდზე რეგისტრაციით, დამსაქმებელი ეთანხმება მისი მონაცემების პირდაპირი მარკეტინგისა და ციფრული რეკლამირების მიზნებისთვის გამოყენებას. 
6.8.    ვაკანსიის განთავსება:
1.    ვაკანსიის განთავსებისას დამსაქმებელი თავად ირჩევს ვაკანსიის ტიპს.
2.    ვაკანსიის გამოქვეყნებისას დამსაქმებელი ვალდებულია მიუთითოს სწორი, უტყუარი და უახლესი ინფორმაცია.
3.    ვაკანსიის გამოქვეყნებისთვის აუცილებელია ვაკანსია შეიცავდეს მინიმუმ შემდეგ ინფორმაციას: 
a.    ვაკანსიის ტიპი; 
b.    ვაკანსიის დასახელება; 
c.    ვაკანსიის აღწერა; 
d.    ანაზღაურება; 
e.    გამოქვეყნების თარიღი და ხანგრძლივობა.

7.    დასაქმების მაძიებლისა და დამსაქმებლის განცხადებები და გარანტიები
7.1.    წინამდებარე დოკუმენტზე თანხმობით მომხმარებელი ადასტურებს და გარანტიას იძლევა, რომ:
1.    იგი არის სრულწლოვანი ქმედუნარიანი ფიზიკური პირი ან/და აქვს საქართველოს კანონმდებლობით დადგენილი კანონიერი წარმომადგენლის თანხმობა;
2.    იგი არის იურიდიული პირი და აკმაყოფილებს საქართველოს კანონმდებლობის ყველა მოთხოვნას. 
3.    მის მიერ განთავსებული ყველა ინფორმაცია/მასალა არის და მომავალშიც იქნება ზუსტი და არ არის/არ იქნება ყალბი, არაზუსტი, შეცდომაში შემყვანი ან/და ცილისმწამებლური;
4.    არ გამოიყენებთ პლატფორმას ყალბი ინფორმაციის გავრცელების მიზნით;
5.    გაეცნო და აცნობიერებს დოკუმენტის შინაარს, წესებსა და პირობებს და მისგან გამომდინარე სამართლებრივ შედეგებს. 
7.2.    დასაქმების მაძიებელი გარანტიას იძლევა, რომ ყურადღებით გაეცნო და თანახმაა წინამდებარე დოკუმენტში გათვალისწინებულ წესებსა და პირობებზე, ასევე გაეცნო და თანახმაა პერსონალურ მონაცემთა დაცვის დოკუმენტით გათვალისწინებულ წესებსა და პირობებზე.
7.3.    დამსაქმებელი პასუხისმგებელია ვაკანსიის შინაარსსზე. ჯობსაითს არ შეიძლება დაეკისროს რაიმე სახის პასუხისმგებლობა, ვაკანსიის შინაარსთან დაკავშირებით.
7.4.    დამსაქმებელი ვალდებულია აკონტროლოს მის მიერ ვებ-გვერდზე განთავსებული ვაკანსიები და ინფორმაცია;
7.5.    წინამდებარე დოკუმენტით გათვალისწინებული გარანტიების დარღვევის შემთხვევაში, ჯობსაითს ეძლევა უფლება მოითხოვოს ზიანის ანაზღაურება. ხოლო დამსაქმებელი და დასაქმების მაძიებელი თანახმანი არიან აუნაზღაურონ მას მიყენებული ზიანი და დაიცვან იგი ნებისმიერი ზარალისგან და ნებისმიერი სხვა ვალდებულებისგან, რომელიც შეიძლება წარმოიშვას ამგვარი დარღვევის შედეგად.
7.6.    ჯობსაითი იტოვებს უფლებას წაშალოს ან/და დაარედაქტორის, ნებისმიერი ვაკანსია/რეზიუმე, რომელიც არ აკმაყოფილებს წინამდებარე დოკუმენტით დადგენილ წესებსა და პირობებს.
7.7.    ჯობსაითი არ არის ვალდებული წინამდებარე დოკუმენტის წესებისა და პირობების დარღვევისას დადგენილი ნორმების შეუსრულებლობის შემთხვევაში მომხმარებელს დაუბრუნოს მომსახურების ღირებულება. 
7.8.    მომხმარებლებს უფლება აქვთ შეუზღუდავად ისარგებლონ ჯობსაითის ვებ-გვერდით წინამდებარე დოკუმენტის ფარგლებში. ვებ- გვერდზე რეგისტრაციისას ჯობსაითი მათ ანიჭებთ შეუზღუდავ, თუმცა არა ექსკლუზიურ წვდომას, რაც გულისხმობს, რომ მომხმარებელს არ აქვს უფლება ცადოს ან რაიმე ფორმით მოიპოვოს წვდომა ვებ-გვერდის პროგრამული უზრუნველყოფის კოდზე, სცადოს მისი რაიმე ფორმით დაზიანება ან მოიპოვოს არაავტორიზებულ მონაცემებზე წვდომა/ ჰქონდეს წვდომის მოპოვების მცდელობა, ან განახორციელოს ქმედება რომელიც აკრძალულია საქართველოს კანონმდებლობით. 

8.    ანგარიშსწორება
8.1.    ვებ-გვერდის მომხმარებელი ფასიანი სერვისებით სარგებლობის შემთხვევაში სერვისით სარგებლობის საფასურს იხდის უნაღდო ანგარიშისსწორების გზით - საბანკო ბარათის ან/და საბანკო გადარიცხვის/ინვოისის საფუძველზე. ანგარიშსწორება ხდება დღგ-ს ჩათვლით.
8.2.    მომხმარებელი თავად ირჩევს სასურველი მომსახურების ტიპს, რის მიხედვითაც განისაზღვრება მომსახურების საფასური (დღგ-ს ჩათვლით).
8.3.    მომხმარებლის მიერ გადახდის მეთოდად საბანკო ბარათის გამოყენებისას ფასიანი სერვისით სარგებლობა  შესაძლებელი იქნება ტრანზაქციის წარმატებით განხორციელებისთანავე.
8.4.    მომხმარებლის მიერ გადახდის მეთოდად  ინვოისით გადახდის არჩევის შემთხვევაში, ფასიანი სერვისებით სარგებლობა შესაძლებელი იქნება 5 სამუშაო დღეში. ვადის ათვლა დაიწყება მას შემდეგ, რაც სერვისის საფასური აისახება ჯობსაითის საბანკო ანგარიშზე ან საგადახდო ქვითრის საფუძველზე დადასტურდება გადახდის ფაქტი.

9.    პასუხისმგებლობისა და დავის გადაწყვეტის წესები და პირობები
9.1.    ჯობსაითი არ იძლევა გარანტიას რომ ვებ-გვერდის მომხმარებლებს მომსახურებას გაუწევს უწყვეტად, შეუფერხებლად ან/და ხარვეზების გარეშე. 
9.2.    ნებისმიერი ხარვეზის აღმოჩენის შემთხვევაში ჯობსაითი იზრუნებს მის გამოსწორებაზე.
9.3.    ფინანსური პასუხისმგებლობა ჯობსაითის მხრიდან კონტრაქტის დარღვევის შემთხვევაში შეზღუდულია 1000 ლარით. 
9.4.    დასაქმების მაძიებელს ზარალის ანაზღაურების მოთხოვნის უფლება ეძლევა  მხოლოდ ჯობსაითის მიერ  წინამდებარე დოკუმენტისა და პერსონალურ მონაცმეთა დაცვის დოკუმენტის დარღვევის შემთხვევაში. აღნიშნული დათქმა არ გამოიყენება თუ დოკუმენტით გათვალისწინებული წესებისა და პირობების დარღვევის მიზეზი გახდა ფორს-მაჟორი, გადაუდებელი აუცილებლობა, საგანგებო მდგომარეობა, ჯობსაითისათვის შექმნილი საფრთხე ან/და სხვა საქართველოს კანონმდებლობით გათვლისწინებული მდგომარეობა.
9.5.    ჯობსაითი არ გასცემს გარანტიას, რომ ვებ-გვერდით სარგებლობა ან/და ვაკანსიაზე რეზიუმეს გაგზავნა დასაქმების მაძიებლისთვის უდაო დასაქმებას გულისხმობს. აღნიშნული დამოკიდებულია დასაქმების მაძიებელსა და დამსაქმებლის ურთიერთშეთანხმებაზე, რაზე პასუხისმგებლობაც ჯობსაითს არ ეკისრება. 
9.6.    წინამდებარე დოკუმენტში არსებული ნებისმიერი პირობა, ტერმინი თუ სხვა საკითხი განიმარტება და რეგულირდება საქართველოს კანონმდებლობის შესაბამისად.
9.7.     მხარეთა შორის წარმოშობილი ნებისმიერი დავა თუ უთანხმოება გადაწყდება ურთიერთმოლაპარაკების გზით ან/და მედიაციის ინსტიტუტის დახმარებით.
9.8.    მოლაპარაკების წარუმატებლად განხორციელების შემთხვევაში მხარეები უფლებამოსილნი არიან მიმართონ შესაბამის ადმინისტრაციულ ორგანოს ან სასამართლოს საქართველოს კანონმდებლობის შესაბამისად. 
9.9.     დავის სასამართლოს მიერ განხილვის შემთხვევაში მას განიხილავს ქ. თბილისის საქალაქო სასამართლო.

10.    ინტელექტუალური საკუთრება
10.1.    პლატფორმებზე/ვებ-გვერდზე, მის შინაარსზე, სტრუქტურასა და დიზაინზე სრულად ვრცელდება ჯობსაითის ინტელექტუალურ საკუთრებასთან დაკავშირებული უფლებები.
10.2.    ჯობსაითის განსაკუთრებული უფლებები ვრცელდება ასევე ჯობსაითის მიერ შექმნილ და რეგისტრირებულ ინტელექტუალური საკუთრების ნებისმიერ ობიექტზე, მათ შორის და არამხოლოდ მის კუთვნილ სასაქონლო ნიშნებზე, ნაწარმოებებზე, დიზაინზე.
10.3.    ჯობსაითის საავტორო (©) და სხვა ინტელექტუალური საკუთრების უფლებები ვრცელდება წინამდებარე ვებ-გვერდსა და მასზე არსებულ მთელ შინაარსზე (პროდუქტებისა და მომსახურების ჩათვლით).
10.4.    აკრძალულია წინამდებარე პლატფორმაზე/ვებ-გვერდზე მითითებული ნებისმიერი ინფორმაციის/შინაარსის, მათ შორის ლოგო, პიქტოგრამა, გრაფიკა, სურათი, გამოსახულება, პატენტი, მომსახურების/სასაქონლო ნიშნები, დიზაინი, განცხადების/პროდუქტის/სერვისის კონტენტი/აღწერა, კომპანიის მიერ შექმნილი ვიზუალური მედია, ვებგვერდის/პლატფორმის დიზაინის, პროგრამული უზრუნველყოფის ნაკრების, ძირითად პროგრამული კოდების, პროგრამული უზრუნველყოფისა და სხვა ინტელექტუალური საკუთრების (რეგისტრირებული, ან არარეგისტრირებული) უნებართვო გამოყენება, დამუშავება ან/და გამოქვეყნება (მათ შორის სოციალურ მედიაში) კომპანიის წინასწარი წერილობითი თანხმობის გარეშე. კომპანიის თანხმობა არ არის საჭირო, თუ წინამდებარე მონაცემების გამოყენება ხორციელდება არაკომერციული, პირადი მიზნებისთვის და იმ შემთხვევებში, როცა წინასწარ თანხმობას არ ითვალიწინებს საქართველოს კანონმდებლობა, ან შესაბამისი საერთაშორისო რეგულაცია.

11.    შესწორებები ვებ- გვერდით სარგებლობის წესებსა და პირობებში
11.1.    ჯობსაითი უფლებამოსილია წინამდებარე დოკუმენტში ცალმხრივად შეიტანოს შესაბამისი შესწორებები სერვისის გაუმჯობესების ან/და საქართველოს კანონმდებლობის შესაბამისად.
11.2.    მნიშვნელოვანი ცვლილების შეტანის შემთხვევაში მომხმარებელი მიიღებს შეტყობინებას ელექტრონულ მისამართზე, ასევე ინფორმაცია აისახება ჯობსაითის ვებ-გვერდზე. 
11.3.    ჯობსაითის ვებ-გვერდის ან/და სერვისების გამოყენების გაგრძელებით მომხმარებელი ავტომატურად ეთანხმება წესებსა და პირობებში გათვალისწინებულ ცვლილებებს.
11.4.    თუ მომხმარებელი არ ეთანხმებით წინამდებარე წესებსა და პირობებს ან აღარ სურს ჯობსაითის ვებ-გვერდით სარგებლობა, მას, ნებისმიერ დროს შეუძლია მოითხოვოთ მისი პროფილის (ანგარიშის) გაუქმება/ წაშლა.